ایرانی حملوں سے خلیجی ریاستوں میں 12فراد جاں بحق ہوئے: خبر ایجنسی

خبرایجنسی کے مطابق ایرانی حملوں کے نتیجے میں خلیجی ریاستوں میں انسانی جانوں کا نقصان ہوا ہے۔ متحدہ عرب امارات میں 4 افراد جاں بحق اور 112 زخمی ہوئے، کویت میں 6 ہلاکتیں اور درجنوں زخمی، بحرین میں ایک شخص ہلاک اور 40 زخمی ہوئے، جبکہ عمان میں ایک ہلاکت اور 5 زخمی رپورٹ ہوئے۔

مزید برآں، ایرانی حملوں کے سبب قطر میں 16 اور اردن میں 14 افراد زخمی ہوئے۔

قطری وزارت داخلہ کے مطابق، قطر میں حملوں کی ویڈیوز وائرل کرنے کے الزام میں 313 افراد کو حراست میں لیا گیا ہے۔ زیرِ حراست ملزمان کا تعلق مختلف ممالک سے بتایا گیا ہے اور وہ بلا اجازت ویڈیوز شیئر کر کے غلط معلومات پھیلا رہے تھے۔