قومی سلامتی کے دفاع کیلئے مکمل تیاری موجود ہے، ماجد ابن رضا

ایران کے قائم مقام وزیر دفاع ماجد ابن رضا نے عزم کا اظہار کرتے ہوئے کہا ہے کہ ایران اپنی قومی سلامتی، خودمختاری اور جغرافیائی حدود کے دفاع کے لیے مکمل طور پر تیار اور بیدار ہے۔ ایک اہم باضابطہ بیان میں قائم مقام ایرانی وزیر دفاع نے واضح کیا کہ ایران اپنے خلاف آنے والے ہر چھوٹے بڑے خطرے کو انتہائی سنجیدگی اور حقیقی سمجھتا ہے، اور ملک کی دفاعی فورسز ہر ممکنہ سیکیورٹی چیلنج اور دشمن کی پیش قدمی کا منہ توڑ اور بھرپور جواب دینے کے لیے پوری طرح سے لیس ہیں۔

ماجد ابن رضا کا مزید کہنا تھا کہ ایران خطے کی موجودہ صورتحال سے نہ تو حیران ہے اور نہ ہی عسکری طور پر غیر فعال ہے، بلکہ اپنی اعلیٰ ترین دفاعی و عسکری صلاحیتوں میں مسلسل اضافہ اور پیش رفت کر رہا ہے۔ انہوں نے زور دیا کہ ملک کا دفاعی نظام کسی بھی قسم کی ہنگامی صورتحال کا مؤثر اور بروقت مقابلہ کرنے کے لیے ہر دم الرٹ ہے۔