دفاعی سازو سامان کی تیاری پہلے سے زیادہ فعال ہوچکی: ایرانی قائم مقام وزیر دفاع

ایران کے قائم مقام وزیر دفاع بریگیڈیئر جنرل سید مجید ابن رضا نے کہا ہے کہ ملک میں دفاعی سازوسامان کی تیاری اور پیداواری صلاحیتیں پہلے سے کہیں زیادہ فعال اور متحرک ہو چکی ہیں۔ ایرانی نیم سرکاری خبر رساں ادارے “مہر” کے مطابق قائم مقام وزیر دفاع کا کہنا تھا کہ وزارتِ دفاع جدید ترین ٹیکنالوجی کے استعمال کے ذریعے دشمن سے ایک قدم آگے رہنے کی مسلسل کوشش کر رہی ہے۔

انہوں نے امریکا کے ان تمام دعوؤں کو سختی سے مسترد کر دیا جن میں کہا گیا تھا کہ ایران کی دفاعی صلاحیتوں کو نقصان پہنچایا گیا ہے۔ سید مجید ابن رضا نے واضح کیا کہ حقیقت اس کے بالکل برعکس ہے؛ ایرانی ماہرین اور سائنسدانوں کا ملکی دفاع کو مضبوط بنانے کا عزم مزید بلند ہوا ہے جبکہ ٹیکنالوجی میں مزید ترقی کی بدولت ملکی دفاعی مستقبل پہلے سے زیادہ محفوظ اور مستحکم ہے۔