وزیرداخلہ محسن نقوی کی وزیراعلیٰ خیبرپختونخوا کے سیکیورٹی فورسز پر بیان کی شدید مذمت

اسلام آباد: وفاقی وزیر داخلہ محسن نقوی نے وزیراعلیٰ خیبرپختونخوا کے سیکیورٹی فورسز کے حوالے سے دیے گئے بیان کی شدید الفاظ میں مذمت کی ہے۔ انہوں نے کہا کہ پاکستان کے بہادر سپوتوں کے بارے میں بے بنیاد اور حقائق سے متصادم بیان ناقابل برداشت ہے۔

محسن نقوی نے کہا کہ جانیں قربان کرنے والے افسروں اور جوانوں کے حوالے سے ایسا بیان کوئی محب وطن نہیں دے سکتا۔ وزیراعلیٰ خیبرپختونخوا نے ہرزہ سرائی کرکے ازلی دشمن کو خوش کرنے کی کوشش کی ہے۔

وزیر داخلہ نے مزید کہا کہ سیکیورٹی فورسز کی لازوال قربانیوں کی پوری دنیا اور قوم معترف ہے اور افسروں و جوانوں نے اپنی جانیں قربان کرکے امن کی آبیاری کی ہے۔ انہوں نے کہا کہ وزیراعلیٰ کے پی نے احسان فراموشی کی حدیں پار کیں جہاں سب سے زیادہ شہید ہوئے۔

محسن نقوی نے مطالبہ کیا کہ وزیراعلیٰ خیبرپختونخوا کو اپنے اشتعال انگیز بیان پر قوم سے معافی مانگنی چاہیے۔

وزیرداخلہ محسن نقوی کی وزیراعلیٰ خیبرپختونخوا کے سیکیورٹی فورسز پر بیان کی شدید مذمت

Web Desk

متعلقہ عنوانات

فیلڈ مارشل عاصم منیر سے سوڈانی وزیر داخلہ کی ملاقات، سکیورٹی تعاون مزید مضبوط بنانے پر اتفاق

بلاول بھٹو کی لاڑکانہ کے ترقیاتی منصوبوں کی بروقت تکمیل یقینی بنانے کی ہدایت

پاکستان اور روس کے درمیان بدعنوانی اور منی لانڈرنگ کیخلاف اہم معاہدہ

حافظ نعیم الرحمٰن کا کراچی میں گراؤنڈ کا افتتاح، کھلاڑیوں کو تحریک چلانے کا مشورہ

روس میں بٹ کوائن سمیت 3 کرپٹو کرنسیوں کی خریداری کی اجازت دینے کا فیصلہ

سپریم کورٹ نے ملزم کی ضمانت منسوخ کرنے کیلئے 8 اصول طے کر دیئے

تاجر برادری کے مطالبے پر جنوری میں مزید مال گاڑیاں چلائیں گے: وزیر ریلوے

تھر کے کوئلے کی پیداوار بڑھا کر صنعتی ترقی کا ذریعہ بنایا جا رہا ہے: شرجیل میمن