محسن نقوی کی بیرسٹر گوہر خان کی رہائش گاہ آمد، والدہ کے انتقال پر اظہار تعزیت

وفاقی وزیرِ داخلہ و انسدادِ منشیات سید محسن رضا نقوی پاکستان تحریکِ انصاف (پی ٹی آئی) کے چیئرمین بیرسٹر گوہر خان کی رہائش گاہ پہنچے، جہاں انہوں نے بیرسٹر گوہر سے ان کی والدہ کے انتقال پر گہرے دکھ اور افسوس کا اظہار کیا۔

وفاقی وزیرِ داخلہ نے بیرسٹر گوہر خان اور ان کے اہل خانہ سے دلی ہمدردی کا اظہار کرتے ہوئے مرحومہ کے ایصالِ ثواب کے لیے فاتحہ خوانی کی اور ان کی مغفرت و درجات کی بلندی کے لیے دعا کی۔ اس موقع پر چیئرمین پی ٹی آئی بیرسٹر گوہر خان نے غمی کی اس گھڑی میں آمد اور تعزیت پر وفاقی وزیرِ داخلہ محسن نقوی کا شکریہ ادا کیا۔