بھارتی نوجوانوں کی تحریک زور پکڑ گئی، ملک کے اندر اور باہر شدید احتجاج

بھارتی تعلیمی نظام میں بے ضابطگیوں اور امتحانی سکینڈل کے خلاف سراپا احتجاج نوجوانوں پر بھارتی پولیس نے شدید تشدد اور فائرنگ کی ہے، جس کے بعد مظاہرین نے وزیراعظم نریندر مودی اور بھارتی وزیرِ تعلیم سے فوری استعفے کا مطالبہ کر دیا ہے۔ نیویارک ٹائمز اور الجزیرہ کے مطابق پارلیمنٹ کی جانب مارچ کرنے والے مظاہرین پر دہلی پولیس کے بدترین تشدد سے 100 سے زائد افراد زخمی جبکہ 60 سے زائد گرفتار ہو چکے ہیں۔ اپوزیشن رہنما راہول گاندھی اور کاکروچ جنتا پارٹی کے بانی ابھیجیت دیپکے نے پولیس گردی کی شدید مذمت کرتے ہوئے پرامن احتجاج جاری رکھنے کا اعلان کیا ہے۔ اس پولیس بربریت کے خلاف برطانیہ کے شہروں مانچسٹر اور لندن میں مقیم بھارتی شہریوں نے بھی شدید احتجاج کیا ہے، جس سے یہ تحریک مودی سرکار کے خلاف ایک منظم مہم کی شکل اختیار کر گئی ہے۔