ایرانی حملوں میں اسرائیل کے 100 فٹ گہرے بنکرز میں لوگ مارے گئے: بھارتی صحافی کا انکشاف

ایرانی حملوں میں اسرائیل کے 100 فٹ گہرے بنکرز بھی محفوظ نہ رہے، بھارتی صحافی کا دعویٰ

ایک بھارتی صحافی نے اسرائیل کا دورہ کرنے کے بعد دعویٰ کیا ہے کہ ایرانی حملوں کے دوران اسرائیل میں شدید تباہی ہوئی ہے اور 100 فٹ گہرے بنکرز بھی مکمل طور پر محفوظ ثابت نہیں ہوئے۔

صحافی کے مطابق اسرائیل میں حملوں کے نتیجے میں ہونے والے نقصانات کی مکمل تفصیلات عام نہیں کی جاتیں۔ ان کا کہنا تھا کہ کئی مقامات پر بنائے گئے گہرے بنکرز میں موجود افراد بھی حملوں سے محفوظ نہیں رہ سکے۔

بھارتی صحافی نے مزید دعویٰ کیا کہ اسرائیل میں لاشوں یا زخمیوں کی تصاویر اور ویڈیوز بنانے کی اجازت نہیں دی جاتی جبکہ ہسپتالوں تک رسائی بھی محدود ہے، جس کی وجہ سے اصل صورتحال کا اندازہ لگانا مشکل ہو جاتا ہے۔

ان کے مطابق ایران کی جانب سے کیے جانے والے میزائل اور ڈرون حملوں کے مقابلے میں اسرائیلی دفاعی نظام کو مشکلات کا سامنا ہے۔ انہوں نے یہ بھی کہا کہ بعض مواقع پر میزائل حملوں سے پہلے خطرے کے سائرن بھی نہیں بج پاتے۔

بھارتی صحافی کا کہنا تھا کہ ایرانی حملوں کے بعد اسرائیل میں صورتحال غیر یقینی رہی اور کئی مقامات پر لوگوں کو حملوں کی شدت کا اندازہ اس وقت ہوتا ہے جب دھماکے ہو چکے ہوتے ہیں۔