جنگ کے بعد بھی عالمی معیشت کوسنگین چیلنجز کا سامنا ہوگا: سربراہ آئی ایم ایف

آئی ایم ایف کی سربراہ کرسٹالینا جارجیوا نے کہا ہے کہ مشرقِ وسطیٰ میں نیا تنازع عالمی معیشت کی مضبوطی کا امتحان لے رہا ہے اور جنگ کے بعد بھی عالمی معیشت کو سنگین چیلنجز کا سامنا ہوگا۔ جاپان میں تقریب سے خطاب میں انہوں نے کہا کہ جنگ کے دوران تیل اور گیس کی اہم تنصیبات کو نقصان پہنچا اور آبنائے ہرمز سے گزرنے والی جہاز رانی تقریباً 90 فیصد تک کم ہو گئی ہے، جبکہ 60 فیصد تیل اور 11 فیصد ایل این جی درآمدات اسی راستے سے آتی ہیں۔

کرسٹالینا جارجیوا نے مزید کہا کہ اگر جنگ طویل ہوگئی تو پالیسی سازوں کے لیے نئے چیلنجز پیدا ہوں گے، اور تیل کی قیمتیں پہلے ہی 50 فیصد تک بڑھ چکی ہیں۔