آئی ایم ایف کا یوکرین کو 690 ملین ڈالر قرض فراہم کرنے کا اعلان

بین الاقوامی مالیاتی فنڈ (آئی ایم ایف) نے نئے امدادی پروگرام کے تحت یوکرین کے لیے 690 ملین ڈالر قرضہ فراہم کرنے کا اعلان کر دیا ہے۔ عالمی میڈیا کی رپورٹس کے مطابق آئی ایم ایف کے ایگزیکٹو بورڈ نے یوکرین کے 8.1 بلین ڈالر کے چار سالہ ‘توسیعی فنڈ سہولت’ (EFF) پروگرام کا پہلا جائزہ مکمل کرنے کے بعد اس رقم کی فوری منتقلی کی منظوری دی۔ آئی ایم ایف کے ماہرین اور ایگزیکٹو بورڈ نے یوکرین کی مالیاتی کارکردگی پر اطمینان کا اظہار کرتے ہوئے اسے بڑے پیمانے پر تسلی بخش قرار دیا، جس کے بعد 48 ماہ کے اس قرضہ منصوبے کی قسط کی راہ ہموار ہوئی۔