انڈر 19 ورلڈ کپ: سپر سکس سے قبل پاکستان ٹیم کا بھرپور ٹریننگ سیشن

آئی سی سی انڈر 19 مینز کرکٹ ورلڈ کپ میں شرکت کرنے والی پاکستان انڈر 19 ٹیم نے سپر سکس مرحلے سے قبل تاکاشنگا اسپورٹس کلب میں ٹریننگ جاری رکھی۔ کھلاڑیوں نے کوچز کی نگرانی میں سناریو میچ کھیل کر اپنی تیاریوں کو حتمی شکل دی۔

ٹریننگ کے دوران بیٹرز اور بالرز کو مختلف ٹاسک اور اہداف دیے گئے تاکہ میچ کے دباؤ میں بہتر فیصلے اور کارکردگی کو یقینی بنایا جا سکے۔ کوچنگ اسٹاف نے کھلاڑیوں کی تکنیک اور فٹنس پر خصوصی توجہ دی۔

پاکستان انڈر 19 ٹیم سپر سکس مرحلے میں اپنا پہلا میچ منگل، 27 جنوری کو ہرارے میں نیوزی لینڈ کے خلاف کھیلے گی، جبکہ دوسرا میچ اتوار، یکم فروری کو بولاوایو میں روایتی حریف بھارت کے خلاف ہوگا۔