آبنائے ہرمز ایران کی مرضی کے بغیر نہیں کھلے گی، ابراہیم عزیزی

ایرانی پارلیمان کی قومی سلامتی اور خارجہ پالیسی کمیٹی کے سربراہ ابراہیم عزیزی نے امریکہ کو واضح پیغام دیتے ہوئے کہا ہے کہ آبنائے ہرمز (Strait of Hormuz) ایران کی مرضی اور اجازت کے بغیر ہرگز نہیں کھلے گی۔ اپنے ایک بیان میں انہوں نے کہا کہ حالیہ عسکری کشیدگی اور جنگی صورتحال کے بعد امریکی افواج ایران کی سرحدوں سے 500 میل دور پیچھے ہٹنے پر مجبور ہو چکی ہیں۔ ابراہیم عزیزی نے مزید کہا کہ امریکہ آبنائے ہرمز کو دوبارہ اپنے کنٹرول میں نہ لا سکنے کی ناکامی کے باعث بوکھلاہٹ کا شکار ہو کر مختلف اقدامات کر رہا ہے، تاہم ایران امریکی دھمکیوں کا موثر جواب دینے اور اپنے قومی مفادات کے تحفظ کے لیے اپنی پورئی طاقت کا مظاہرہ کر رہا ہے۔