بشارالاسد دور کے خفیہ جوہری سرگرمیوں سے متعلق اہم سوالات حل ہوگئے: آئی اے ای اے

اقوام متحدہ کے جوہری نگران ادارے انٹرنیشنل اٹامک انرجی ایجنسی (IAEA) نے اپنی خفیہ رپورٹ میں تصدیق کی ہے کہ شام میں سابق صدر بشار الاسد کے دورِ حکومت کی خفیہ جوہری سرگرمیوں سے متعلق تمام زیر التوا سوالات حل ہو گئے ہیں۔ آئی اے ای اے نے شام کی نئی حکومت کی جانب سے مکمل شفافیت اور تعاون کی تعریف کرتے ہوئے بتایا کہ 2007ء میں اسرائیل کی جانب سے دیر الزور میں تباہ کی گئی تنصیب دراصل ایک غیر اعلانیہ زیرِ تعمیر جوہری ری ایکٹر تھا، جہاں 73 میٹرک ٹن قدرتی یورینیم بھی موجود تھا۔ رپورٹ میں مزید بتایا گیا کہ اس کے برعکس ایران سے متعلق معاملے میں کوئی پیش رفت نہیں ہوئی، اور جون 2025ء میں امریکا و اسرائیل کے حملوں کے بعد سے ایجنسی کو ایران کے افزودہ یورینیم کے ذخائر کی تصدیق کے لیے درکار رسائی حاصل نہیں ہو سکی ہے۔