ہنگری میں مسافر بس کو حادثہ، 12 افراد ہلاک، 10 زخمی

مشرقی ہنگری کے علاقے میزُوکیرِشٹیش کے قریب ایم تھری موٹروے پر پولینڈ کے سیاحوں کو لے جانے والی بس حادثے کا شکار ہو گئی، جس کے نتیجے میں 12 افراد ہلاک اور کم از کم 10 زخمی ہو گئے۔ پولیس کے مطابق بس نِیریگ ہازا شہر کی طرف جا رہی تھی کہ اچانک سڑک سے اتر کر گڑھے میں الٹ گئی۔ ہنگری کی سرکاری خبر رساں ایجنسی ایم ٹی آئی کے مطابق بس میں 57 مسافر اور دو ڈرائیور سوار تھے۔ ہنگری کے وزیراعظم پیٹر میگیار نے حادثے میں جانی نقصان کی تصدیق کی جبکہ زخمیوں کو فوری طور پر اسپتال منتقل کر دیا گیا۔ ابتدائی تحقیقات کے مطابق خدشہ ظاہر کیا جا رہا ہے کہ ڈرائیور کو دورانِ سفر اونگھ آنے کے باعث حادثہ پیش آیا، تاہم پولیس کی جانب سے مزید تحقیقات جاری ہیں۔