یمنی حوثیوں کا فوجی سازو سامان لیجانے والے سعودی جہاز پر حملے کا دعویٰ

یمن کی حوثی اکثریتی تنظیم انصار اللہ نے باب المندب کی اہم سمندری گزرگاہ میں فوجی ساز و سامان لے جانے والے ایک سعودی جہاز کو نشانہ بنانے کا دعویٰ کیا ہے۔ دوسری جانب امریکی سینٹرل کمانڈ (سینٹ کام) نے تصدیق کی ہے کہ امریکی فورسز نے ایران کے خلاف عائد کردہ سمندری ناکہ بندی کی خلاف ورزی کرنے والے پاناما کے جھنڈے والے کارگو جہاز پر ہیلی کاپٹر کے ذریعے میزائل داغ کر اسے غیر فعال کر دیا ہے۔ سینٹ کام کے مطابق امریکی فورسز کی بار بار دی جانے والی وارننگز کو نظرانداز کرنے پر یہ اقدام اٹھایا گیا۔ امریکی ملٹری نے مزید بتایا کہ 11 اگست تک ناکہ بندی کی کوشش کرنے والے 55 تجارتی جہازوں کا رخ موڑا جا چکا ہے جبکہ احکام کی خلاف ورزی پر اب تک 3 جہازوں کو ناکارہ بنایا گیا ہے۔