بحیرہ احمر اور خلیج عمان میں دو کارگو جہازوں پر حملے، عملے کے تین ارکان ہلاک

بحیرۂ احمر میں باب المندب کے مقام پر حوثیوں کی جانب سے ایک تجارتی کارگو جہاز کو نشانہ بنایا گیا ہے، جس کے نتیجے میں ڈیک پر حملہ ہونے سے عملے کے 3 ارکان ہلاک ہو گئے ہیں۔ یمنی حکومت، کوسٹ گارڈ اور میری ٹائم سیکیورٹی ذرائع نے اس حملے اور ہلاکتوں کی تصدیق کی ہے۔ دوسری جانب، برطانوی میری ٹائم ٹریڈ آپریشنز (UKMTO) اور میری ٹائم سیکیورٹی ذرائع کے مطابق خلیج عمان میں بھی ایک علیحدہ پیش آنے والے واقعے میں پاناما کے پرچم بردار کنٹینر جہاز کو ممکنہ طور پر میزائل سے نشانہ بنایا گیا ہے۔ یہ واقعہ پاکستانی ساحل سے تقریباً 71 ناٹیکل میل کے فاصلے پر پیش آیا، جس کے بعد علاقے میں بحری سیکیورٹی ہائی الرٹ کر دی گئی ہے۔