حزب اللہ کا راکٹ حملہ،اسرائیلی وزیر خزانہ کے بیٹے سمیت 8 فوجی شدید زخمی 

اسرائیلی فوج کے مطابق شمالی اسرائیل میں حزب اللہ کے راکٹ حملے کے نتیجے میں 8 اسرائیلی فوجی زخمی ہو گئے ہیں جن میں سے 5 کی حالت تشویشناک ہے۔ زخمیوں میں اسرائیلی وزیرخزانہ کا بیٹا بھی شامل ہے۔

راکٹ لبنان کی سرحد کے قریب ایک فوجی پوزیشن پر گرا۔ حملے میں زخمی ہونے والے تمام فوجی گیواتی بریگیڈ سے تعلق رکھتے ہیں۔اسرائیلی فوج کاکہناہے 5 فوجیوں کی حالت تشویشناک جبکہ 3 معمولی زخمی ہوئے ہیں اور انہیں علاج کے لیے اسپتال منتقل کر دیا گیا ہے۔

اسرائیلی وزیر خزانہ بیزالیل اسموتریچ کے دفتر نے بتایا کہ راکٹ حملے میں معمولی زخمی ہونے والوں میں ان کا بیٹا بھی شامل ہے۔