وزیراعلیٰ مریم نواز کا حنا جاوید قتل کیس پر اہم بیان سامنے آگیا

وزیراعلیٰ پنجاب مریم نواز شریف نے حنا جاوید قتل کیس کے حوالے سے ایک اہم بیان جاری کرتے ہوئے کہا ہے کہ وہ اس کیس کی تحقیقات پر ذاتی طور پر گہری نظر رکھے ہوئے ہیں اور تفتیشی عمل کی مسلسل نگرانی کر رہی ہیں۔

سماجی رابطے کی ویب سائٹ ایکس (ٹوئٹر) پر جاری اپنے بیان میں وزیراعلیٰ پنجاب نے بتایا کہ کیس کی سائنسی تفتیش کے دوران ڈی این اے (DNA) اور پولی گراف ٹیسٹ کی رپورٹیں سامنے آئی ہیں، جن کے نتائج سے یہ اشارے ملے ہیں کہ حنا جاوید کو مبینہ طور پر گھریلو ملازم نے زیادتی کا نشانہ بنانے کے بعد قتل کیا۔

مریم نواز شریف نے مزید واضح کیا کہ حنا جاوید قتل کیس کی جامع تحقیقات تاحال جاری ہیں اور تفتیشی عمل مکمل ہونے تک کسی حتمی نتیجے پر نہیں پہنچا جا سکتا، تاہم انصاف کے تقاضے بلا تفریق پورے کیے جائیں گے۔