ایران کودفاع کا حق ہے، ہمسائیہ ممالک کو نشانہ نہ بنائے، حماس کی اپیل

فلسطین کی مزاحمتی تنظیم حماس نے ایران پر زور دیا کہ وہ ہمسایہ ممالک کو نشانہ بنانا بند کردے۔حماس کی جانب سے جاری بیان میں کہا گیا ہے کہ ایران کو جارحیت کے خلاف دفاع کا حق حاصل ہے، ایران بین الاقوامی قوانین کے مطابق ہر ممکن طریقے سے جارحیت کا جواب دے سکتا ہے۔

حماس نے کہا کہ ایرانی بھائی پڑوسی ممالک کو نشانہ بنانےسے گریز کریں اور خطے کے تمام ممالک سے اپیل ہےکہ اس جارحیت کو روکنےمیں تعاون کریں۔حماس کی جانب سے جاری بیان میں کہا گیا کہ خطے کے ممالک باہمی بھائی چارے کے رشتوں کو برقرار رکھنے کے لیے تعاون کریں۔