LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
پیٹرولیم ڈیلرز کی حکومت کو 26 مارچ تک ڈیڈ لائن، مطالبات نہ مانے گئے تو ملک بھر میں پمپ بند کرنے کی دھمکی ایران کو اپنے دفاع کا حق حاصل ہے، روس فیلڈ مارشل کی جنگی لباس میں سعودی ولی عہد سے ملاقات غیر معمولی اہمیت کی حامل قرار لکی مروت میں دھماکا، ایس ایچ او سمیت 6 پولیس اہلکار شہید اسرائیل پر تازہ میزائل حملوں میں درجنوں افراد زخمی، متاثرہ علاقوں میں شہریوں کو انخلا کی ہدایت پنجاب میں جرائم کی شرح میں نمایاں کمی آئی ہے: عظمیٰ بخاری جمعة الوداع کے اجتماعات، یوم القدس کی ریلیاں، سکیورٹی ہائی الرٹ ایران کے اسرائیل پر نئے میزائل و ڈرون حملے، خطے میں کشیدگی مزید بڑھ گئی عالمی منڈی میں خام تیل کی قیمتیں 100 ڈالر سے بڑھ گئیں مشرقِ وسطیٰ کیلئے پاکستان سے پروازوں کا آپریشن بتدریج بحال مشرق وسطیٰ میں کشیدگی فوری ختم کی جائے، پاکستان کا سلامتی کونسل میں مطالبہ سعودی عرب نے شیبہ آئل فیلڈ کی جانب آنے والا ڈرون تباہ کر دیا امریکی ایندھن بردار طیارہ عراق میں گر کر تباہ، 6 افراد سوار تھے یوم القدس اور متوقع جمعۃ الوداع کے موقع پر سندھ میں آج سرکاری تعطیل ہوگی دبئی حکومت نے عیدالفطر کی سرکاری تعطیلات کا اعلان کردیا

جاگیرداروں اور وڈیروں کو کارپوریٹ سسٹم سے نکال باہر پھیکنیں گے،حافظ نعیم الرحمان

Web Desk

22 November 2025

امیر جماعت اسلامی پاکستان حافظ نعیم الرحمن نے پاکستان اجتماع عام کے دوسرے روز شرکاء سے خطاب کرتے ہوئے کہا کہ جاگیرداروں اور وڈیروں کو کارپوریٹ سسٹم سے نکال کر کسانوں کو ان کی محنت کا پورا حصہ دیا جائے گا۔
انہوں نے زور دیا کہ جاگیرداروں اور وڈیروں کو اپنے سروں پر بٹھا کر تبدیلی کا نعرہ نہیں لگایا جا سکتا۔ گریٹر اقبال پارک، مینارِ پاکستان لاہور میں خطاب کے دوران حافظ نعیم الرحمن نے کہا کہ آئین و دستور کے مطابق حاکمیت صرف اللہ تعالیٰ کی ہے اور انسانوں کا کام صرف نیابت کرنا ہے۔ کسی کو اختیار نہیں کہ زمین پر خدا بن کر ظلم کرے۔
انہوں نے کہا کہ اللہ کی حاکمیت کے مطابق ہر شخص، چاہے صدر ہو یا آرمی چیف، برابر ہوگا۔ امیر جماعت اسلامی نے ملکی حکمرانوں پر تنقید کرتے ہوئے کہا کہ وہ امریکہ سے ڈرتے ہیں اور فلسطینی مسلمانوں کی لاشوں کے عوض اس کے غلام بنے ہوئے ہیں۔ انہوں نے کہا کہ عوام کو ایسے قیادت کی ضرورت ہے جو اصولی موقف پر قائم ہو اور عوام کے ساتھ ہو۔ حافظ نعیم الرحمن نے کہا کہ جماعت اسلامی واحد جماعت ہے جس میں جمہوریت موجود ہے، اور خاندان، وصیت یا وراثت پر چلنے والی پارٹیاں کبھی انقلاب نہیں لا سکتیں۔
کارکنان کو ہدایت دی کہ وہ “بدل دو نظام” کے نعرے کو عام کریں اور تمام عوام کو اپنے ساتھ شامل کریں، چاہے وہ کسی بھی پارٹی کے کارکن ہوں۔ امیر جماعت اسلامی نے تعلیم، مزدوروں اور خواتین کے حقوق پر زور دیا اور کہا کہ حکمران عوام کو تعلیم اور بنیادی حقوق دینے کی بجائے ذاتی مفاد میں مصروف ہیں۔ انہوں نے پنجاب اور سندھ میں اختیارات کی نچلی سطح پر منتقلی، ظلم کے نظام کے خاتمے اور اجارہ داری ختم کرنے کی ضرورت پر بھی روشنی ڈالی۔
حافظ نعیم الرحمن نے کہا کہ پاکستان میں 2 کروڑ 62 لاکھ بچے تعلیم سے محروم ہیں اور ملک میں حکمران قوم کو جاہل بنا کر اقتدار کے مزے لے رہے ہیں۔ انہوں نے کہا کہ جماعت اسلامی “بنو قابل” پروگرام کے تحت عوام میں شعور پیدا کر رہی ہے اور آئندہ گراس روٹ لیول تک اختیارات منتقل کرے گی۔