پٹرول 3 روپے 19 پیسے، ڈیزل ایک روپے 50 پیسے فی لٹر سستا

حکومت نے عوام کو ریلیف فراہم کرتے ہوئے پیٹرولیم مصنوعات کی قیمتوں میں کمی کا باضابطہ اعلان کر دیا ہے۔

پیٹرولیم ڈویژن کی جانب سے جاری کردہ نوٹیفکیشن کے مطابق پیٹرول کی قیمت میں 3 روپے 19 پیسے فی لیٹر کمی کی گئی ہے، جس کے بعد پیٹرول کی نئی قیمت 329 روپے 82 پیسے فی لیٹر مقرر کر دی گئی ہے۔ اسی طرح ہائی اسپیڈ ڈیزل کی قیمت میں 1 روپے 50 پیسے فی لیٹر کمی کی گئی ہے اور اس کی نئی قیمت 382 روپے 36 پیسے فی لیٹر ہو گئی ہے۔

پیٹرولیم ڈویژن کے مطابق ان نئی قیمتوں کا تعین آئل اینڈ گیس ریگولیٹری اتھارٹی (OGRA) کی سفارشات پر کیا گیا ہے، اور نئی قیمتوں کا اطلاق آج رات 12 بجے سے ہو گیا ہے۔ واضح رہے کہ اس سے قبل ہونے والے حالیہ ردو بدل میں حکومت نے پیٹرول کی قیمت میں 4 روپے 45 پیسے کا اضافہ جبکہ ڈیزل کی قیمت میں 2 روپے فی لیٹر کمی کی تھی۔