گڈز ٹرانسپورٹرز کی ہڑتال آٹھویں روز میں داخل، حکومت سے آج دوبارہ مذاکرات ہوں گے

آل پاکستان گڈز ٹرانسپورٹ اتحاد کے صدر ملک شہزاد اعوان نے اعلان کیا ہے کہ ملک بھر میں ٹرانسپورٹرز کی پرامن ہڑتال آٹھویں روز بھی جاری ہے، تاہم حکومت کے ساتھ مسائل کے حل کے لیے مذاکرات کا راستہ ہموار ہو گیا ہے۔ اس سلسلے میں گورنر ہاؤس کراچی میں وفاقی وزیر مواصلات عبدالعلیم خان، صوبائی وزرائے ٹرانسپورٹ بلال اکبر اور گورنر و وزیر ٹرانسپورٹ سندھ پر مشتمل اعلیٰ سطحی حکومتی وفد سے اہم مذاکرات ہو رہے ہیں۔ ملک شہزاد اعوان نے واضح کیا ہے کہ ٹرانسپورٹرز محض زبانی یقین دہانیوں پر احتجاج ختم نہیں کریں گے بلکہ مطالبات کی عملی منظوری اور نوٹیفکیشن کے اجراء تک ہڑتال جاری رکھیں گے۔