ایران پر نئی پابندیوں سے قبل عالمی منڈی میں تیل کی قیمتیں گر گئیں

امریکہ کی جانب سے ایران پر مزید سخت پابندیوں کے متوقع اعلان سے قبل عالمی منڈی میں خام تیل کی قیمتوں میں 1 ڈالر سے زائد کی کمی ریکارڈ کی گئی ہے۔ گزشتہ ہفتے قیمتوں میں ہونے والے اضافے کے بعد سرمایہ کاروں کی جانب سے منافع کمانے کے رجحان کے باعث برینٹ خام تیل 1.22 ڈالر کی کمی کے ساتھ 93.17 ڈالر فی بیرل، جبکہ امریکی ویسٹ ٹیکساس انٹرمیڈیٹ (WTI) 1.20 ڈالر کمی کے بعد 85.86 ڈالر فی بیرل پر آ گیا۔ واضح رہے کہ امریکی وزیرِ خزانہ اسکاٹ بیسنٹ کی جانب سے ایران پر تاریخ کی سخت ترین پابندیاں عائد کرنے کے عندیہ کے بعد تنازع میں مزید شدت کا خدشہ ہے۔ دوسری جانب ایران نے عراق کی درخواست پر متعدد عراقی آئل ٹینکرز کو آبنائے ہرمز سے گزرنے کی اجازت دے دی ہے، جس سے توانائی مارکیٹ میں ترسیل کے حوالے سے کچھ امید پیدا ہوئی ہے