عالمی منڈی میں برانٹ خام تیل 100 ڈالر فی بیرل سے تجاوز کر گیا

ایران کے خلاف امریکی جارحانہ اقدامات اور خطے میں بڑھتی ہوئی کشیدگی کے بعد عالمی توانائی منڈی میں شدید ہیجان پیدا ہو گیا ہے، جس کے نتیجے میں خام تیل کی قیمتوں میں سنسنی خیز اضافہ ہوا اور برطانوی خام تیل (برینٹ) کی قیمت 100 ڈالر فی بیرل کی سطح عبور کر گئی ہے۔

مارکیٹ کے تازہ ترین اعداد و شمار کے مطابق برطانوی خام تیل  100.56 ڈالر فی بیرل میں فروخت ہو رہا ہے۔ امریکی خام تیل  قیمت بڑھ کر 92.05 ڈالر فی بیرل تک پہنچ گئی ہے. اماراتی مربن خام تیل  108 ڈالر فی بیرل کی بلند سطح پر پہنچ گیا ہے۔

مزید برآں، توانائی بحران کے اس تناظر میں قدرتی گیس (Natural Gas) کی عالمی قیمت بھی بڑھ کر 2.95 ڈالر فی ایم ایم بی ٹی یو (MMBtu) ہو گئی ہے۔ معاشی ماہرین کے مطابق عالمی منڈی میں قیمتوں کا یہ طوفان مشرقِ وسطیٰ میں رسد کے شدید خدشات اور سیاسی عدم استحکام کی عکاسی کرتا ہے۔