عالمی منڈی میں خام تیل کی قیمتیں 100 ڈالر سے بڑھ گئیں

تیل کے محفوظ ذخائر مارکیٹ میں لانے کے اعلان کے باوجود عالمی منڈی میں خام تیل کی قیمتوں میں غیر معمولی اضافہ دیکھنے میں آیا ہے اور قیمتیں سو ڈالر کی سطح سے تجاوز کرگئیں۔ بین الاقوامی مارکیٹ میں برطانوی برینٹ کی قیمت میں ایک ہی دن میں تقریباً دس فیصد اضافہ ریکارڈ کیا گیا۔ جس کے بعد برینٹ خام تیل آٹھ ڈالر انتالیس سینٹ اضافے کے ساتھ سو ڈالر چوالیس سینٹ فی بیرل تک پہنچ گیا۔ اسی طرح ویسٹ ٹیکساس انٹرمیڈیٹکی قیمت بھی آٹھ ڈالر انیس سینٹ بڑھ کر چھیانوے ڈالر ستائیس سینٹ فی بیرل ہوگئی۔ تجزیہ کاروں کا کہنا ہے کہ اگر خطے میں کشیدگی برقرار رہی تو آئندہ دنوں میں عالمی منڈی میں تیل کی قیمتوں میں مزید اتار چڑھاؤ دیکھنے کو مل سکتا ہے۔