جرمنی کا لیپزگ ایئرپورٹ پر ڈرون حملے میں روس کے ملوث ہونے کا الزام

جرمن حکومت نے دعویٰ کیا ہے کہ گزشتہ ماہ ایئرپورٹ پر ڈرون حملے کی ناکام کوشش کے پیچھے روس کا ہاتھ تھا، جس کے ردِعمل میں برلن نے ماسکو کے خلاف سخت اقدامات کا اعلان کیا ہے۔ ان اقدامات میں بون میں قائم روسی قونصل خانے کو بند کرنا اور برلن میں روسی ثقافتی مرکز ’رشین ہاؤس‘ کے ساتھ معاہدہ ختم کرنا شامل ہے۔ جرمن وزیر داخلہ الیگزینڈر ڈوبرنٹ اور وزیر خارجہ یوہان وادے فل نے بتایا کہ انٹیلی جنس شواہد اور پولیس تحقیقات سے واضح ہوتا ہے کہ ملوث افراد روسی ریاستی اداروں کی ہدایات پر کام کر رہے تھے اور یہ واقعہ یورپ میں روس کی وسیع تر ہائبرڈ کارروائیوں کا حصہ ہے۔ دوسری جانب روس کی وزارتِ خارجہ کی ترجمان ماریا زاخارووا نے جرمن الزامات کو روس مخالف کارروائی قرار دیتے ہوئے جوابی اقدام کا تنبیہ کیا ہے