آبنائے ہرمز کی بندش سے نمٹنےمیں نیٹوکوکوئی کردارنہیں ، جرمن وزیرخارجہ

برطانیہ کے بعد جرمنی نے بھی امریکی صدرکی امیدوں پر پانی پھیردیا۔ جرمنی نے آبنائے ہرمزکے معاملے پر نیٹوکےکسی بھی قسم کے کردار کاامکان ردکردیا۔

جرمن وزیر خارجہ جوہان وڈیفول کا کہنا ہے کہ انہں آبنائے ہرمز کی بندش سے نمٹنے میں نیٹو کا کوئی کردار نہیں دکھائی دیتا۔

برسلزمیں یورپی یونین کے وزرائے خارجہ کے اہم اجلاس سے قبل ان کاکہناتھاکہ نیٹو آبنائے ہرمز کے حوالے سے کوئی ذمے داری نہیں لے سکتا، اس حوالے سے اگرکوئی فیصلہ کیاگیاہوتاتونیٹو اس وقت اس پر عملدرآمد کررہاہوتا۔

وڈیفل کا کہنا ہے کہ مشرق وسطیٰ کی غیر مستحکم صورت حال کے باوجود یورپ کی اولین سیکیورٹی ترجیح یوکرین ہے۔انہوں نے امریکاکی جانب سے روس پر پابندیوں میں نرمی کے فیصلے پر تنقید کرتے ہوئے اسے غلط راستہ قراردیا۔