کمانڈر نیشنل سٹریٹجک کمانڈ جنرل سید عامر رضا کو نشان امتیاز (ملٹری) سے نواز دیا گیا

کمانڈر نیشنل سٹریٹجک کمانڈ جنرل سید عامر رضا کو اعلیٰ خدمات کے اعتراف میں نشانِ امتیاز (ملٹری) عطا کر دیا گیا ہے۔ صدرِ مملکت آصف علی زرداری نے ایک پروقار تقریب کے دوران انہیں اس اعزاز سے نوازا۔ تقریب میں صدر زرداری اور وزیراعظم شہباز شریف کے علاوہ فیلڈ مارشل سید عاصم منیر، ایئر چیف اور نیول چیف نے بھی شرکت کی۔ اس کے علاوہ چیئرمین سینیٹ یوسف رضا گیلانی، نائب وزیراعظم اسحاق ڈار اور وفاقی وزراء عطا اللہ تارڑ، احسن اقبال اور محمد اورنگزیب سمیت اہم سیاسی و عسکری شخصیات تقریب کا حصہ رہیں۔