نواز شریف وطن واپس پہنچ گئے، صاحبزادے حسن نواز اور حسین نواز بھی ہمراہ

لاہور: پاکستان مسلم لیگ (ن) کے قائد اور سابق وزیراعظم نواز شریف ایک ہفتے پر محیط اپنا نجی دورہ سنگاپور مکمل کرنے کے بعد واپس لاہور پہنچ گئے ہیں۔ذرائع کے مطابق نواز شریف ایک ہفتہ قبل نجی مصروفیات کے سلسلے میں سنگاپور روانہ ہوئے تھے۔ ان کی واپسی پر ان کے دونوں صاحبزادے حسن نواز اور حسین نواز بھی ان کے ہمراہ لاہور پہنچے ہیں۔علاوہ ازیں، وزیراعلیٰ پنجاب مریم نواز کے داماد چوہدری راحیل منیر اور نواز شریف کے ذاتی معالج ڈاکٹر عدنان بھی اسی پرواز کے ذریعے لاہور پہنچے، جہاں سے وہ اپنی رہائش گاہ جاتی امرا روانہ ہو گئے۔