فلائی دبئی کی شام کے شہر حلب کیلئے روزانہ براہ راست پروازیں شروع

متحدہ عرب امارات کی فضائی کمپنی فلائی دبئی نے شام کے تاریخی اور تجارتی شہر حلب کے لیے روزانہ کی بنیاد پر براہِ راست پروازیں شروع کر دی ہیں، جو دمشق کے بعد شام میں ایئرلائن کی دوسری منزل ہے۔ دبئی انٹرنیشنل ایئرپورٹ کے ٹرمینل 3 سے روانہ ہونے والی افتتاحی پرواز کا حلب پہنچنے پر واٹر کینن سلامی کے ساتھ شاندار استقبال کیا گیا۔ فلائی دبئی کے چیف کمرشل آفیسر حمد عبیداللہ کے مطابق یہ اقدام امارات اور شام کے درمیان سفری و تجارتی روابط اور شام میں مقیم برادری کی سہولت کو مزید تقویت دے گا۔ یہ تمام پروازیں ایمریٹس کے ساتھ کوڈ شیئر معاہدے کے تحت چلائی جا رہی ہیں جو خطے میں ایئرلائن کی موجودگی کو مزید فعال بنائیں گی۔