جنگ طویل ہوئی تو سخت فیصلے ہوں گے، ملک میں تیل و گیس کی قلت نہیں: وزیرِ خزانہ کا قوم کو اہم پیغام

وفاقی وزیرِ خزانہ نے ایک پریس کانفرنس کے دوران خطے کی غیر یقینی صورتحال پر تشویش کا اظہار کرتے ہوئے کہا ہے کہ اگر علاقائی کشیدگی جاری رہی تو حکومت اس کے اثرات سے معیشت کو بچانے کے لیے فوری اور اہم فیصلے کرے گی۔ انہوں نے عوام کو اطمینان دلایا کہ فی الحال ملک میں تیل و گیس کی کوئی قلت نہیں ہے اور مارچ کے آخر تک کے لیے پیٹرولیم مصنوعات کے وافر ذخائر موجود ہیں۔

وزیرِ خزانہ نے مزید بتایا کہ وزیراعظم نے پیٹرولیم مصنوعات کی سپلائی اور قیمتوں کی کڑی نگرانی کے لیے ایک خصوصی کمیٹی قائم کر دی ہے جو روزانہ کی بنیاد پر اپنی رپورٹ پیش کر رہی ہے۔