فیفا ورلڈکپ2026 : کوارٹر فائنل لائن اپ مکمل ہوگئی

فٹ بال ورلڈ کپ کے 23 ویں ایڈیشن کی کوارٹر فائنل لائن اپ باقاعدہ مکمل ہو گئی ہے، جس میں مراکش، ناروے اور سوئٹزرلینڈ نے شاندار کھیل پیش کرتے ہوئے غیر متوقع طور پر ایونٹ کی آخری 8 ٹیموں میں جگہ بنائی ہے۔ وینکوور میں کھیلے گئے آخری پری کوارٹر فائنل میں کولمبیا کے خلاف سوئٹزرلینڈ کی فتح کے ساتھ ہی فائنل الیون کا مرحلہ طے پا گیا۔ شیڈول کے مطابق، دو روز کے آرام کے بعد ایونٹ کا پہلا کوارٹر فائنل جمعے کی شب کھیلا جائے گا، جس میں فرانس کا مقابلہ مراکش سے ہوگا۔ دیگر میچوں میں اسپین اور بیلجئم، انگلینڈ اور ناروے، جبکہ آخری کوارٹر فائنل میں سوئٹزرلینڈ اور دفاعی چیمپئن ارجنٹینا مدمقابل ہوں گے۔ یہ تینوں اہم میچز پاکستانی وقت کے مطابق ہفتے کی شب اور اتوار کی صبح کھیلے جائیں گے۔