فیفا ورلڈ کپ کا فائنل معرکہ، امریکی صدر بھی نیو جرسی کے سٹیڈیم میں موجود

دنیائے فٹبال پر حکمرانی کے سب سے بڑے معرکے میں ارجنٹینا اور سپین کی ٹیمیں فیفا ورلڈ کپ 2026ء کے فائنل میں آمنے سامنے آ گئی ہیں، جس کی گواہی دینے کے لیے امریکی صدر ڈونلڈ ٹرمپ بھی نیو جرسی کے اسٹیڈیم میں موجود ہیں۔ اس تاریخی فائنل سے قبل ایک انتہائی شاندار اور رنگارنگ اختتامی تقریب کا انعقاد کیا گیا، جس میں لورا پوزینی، نکول شرزنگر اور روبی ولیمز سمیت دنیا بھر کے نامور ستاروں نے اپنی جاندار پرفارمنس سے اسٹیڈیم میں موجود لاکھوں شائقین کے لہو کو گرما دیا۔ فائنل کا آغاز جینیفر ہڈسن کی آواز میں امریکی قومی ترانے سے ہوا، جبکہ ٹورنامنٹ کی تاریخ میں پہلی بار ایک میگا ‘ہاف ٹائم شو’ کا انعقاد بھی کیا گیا جس میں میڈونا، شکیرا، جسٹن بیبر اور برنا بوائے جیسے عالمی شہرت یافتہ فنکاروں نے اپنی آواز اور رقص کا جادو جگا کر سماں باندھ دیا۔ یاد رہے کہ فٹبال کی تاریخ میں ارجنٹینا اب تک 6 فائنلز کھیل کر 3 بار عالمی چیمپئن بن چکا ہے جبکہ سپین کی ٹیم نے اس سے قبل صرف ایک بار 2010ء میں فائنل تک رسائی حاصل کی تھی اور وہ اس میں سرخرو رہی تھی۔