انتشار پھیلانے والے عناصر سے نمٹنے کے لیے مکمل طور پر تیار اور پرعزم ہیں،فیلڈمارشل

انتشار پھیلانے والے عناصر سے نمٹنے کے لیے مکمل طور پر تیار اور پرعزم ہیں،فیلڈمارش

We are fully prepared and determined to counter elements spreading disorder, says the Field Marsha.

فیلڈ مارشل چیف آف ڈیفنس فورسز سید عاصم منیر نے کہا ہے کہ پاک فوج اندرونی و بیرونی چیلنجز، ہائبرڈ مہمات، انتہا پسند نظریات اور انتشار پھیلانے والے عناصر سے نمٹنے کے لیے مکمل طور پر تیار اور پرعزم ہے۔

فیلڈ مارشل سید عاصم منیرنے گوجرانوالہ اور سیالکوٹ گیریژنز کا دورہ کیا۔ دورے کے دوران انہیں فارمیشن کی آپریشنل تیاری اور جنگی استعداد میں اضافے کے لیے کیے گئے اقدامات پر تفصیلی بریفنگ دی گئی۔آئی ایس پی آر کے مطابق فیلڈ مارشل سید عاصم منیر نے فیلڈ ٹریننگ ایکسرسائز اور جدید سمیولیٹر ٹریننگ سہولت کا مشاہدہ کیا اور فارمیشن کی اعلیٰ پیشہ ورانہ صلاحیتوں اور مجموعی تیاری کو سراہا۔ اس موقع پر انہوں نے کہا کہ جدید جنگی تقاضے ٹیکنالوجی سے ہم آہنگی، چابک دستی، درستگی، حالات کا بروقت ادراک اور فوری فیصلہ سازی کے متقاضی ہیں۔

چیف آف آرمی اسٹاف و چیف آف ڈیفنس فورسز نے افسران اور جوانوں سے گفتگو کرتے ہوئے ان کے بلند حوصلے اور قومی سلامتی کے لیے غیر متزلزل عزم کی تعریف کی اور سخت، مشن پر مبنی تربیت کی اہمیت پر زور دیا۔ انہوں نے واضح کیا کہ پاک فوج اندرونی و بیرونی چیلنجز، دشمنانہ ہائبرڈ مہمات، انتہا پسند نظریات اور انتشار پھیلانے والے عناصر سے نمٹنے کے لیے مکمل طور پر تیار اور پرعزم ہے۔

آئی ایس پی آر کے مطابق گوجرانوالہ پہنچنے پر فیلڈ مارشل سید عاصم منیر کا استقبال کور کمانڈر گوجرانوالہ نے کیا۔