فیلڈ مارشل عاصم منیر کی عباس عراقچی سے ملاقات، ایران امریکا مذاکرات پر تبادلہ خیال
Web Desk
23 May 2026
امریکا اور ایران کے مابین جاری شدید کشیدگی کو ختم کرنے اور دونوں ممالک کو امن معاہدے کی طرف لانے کے لیے پاکستان کی سفارتی کوششیں تیز ہو گئی ہیں۔ اسی سلسلے میں پاکستان کے چیف آف ڈیفنس فورسز فیلڈ مارشل سید عاصم منیر اور وفاقی وزیرِ داخلہ محسن نقوی اس وقت تہران میں موجود ہیں۔ ایرانی میڈیا کے مطابق، فیلڈ مارشل عاصم منیر نے تہران میں ایرانی وزیرِ خارجہ عباس عراقچی سے ایک اہم ملاقات کی، جس میں خطے میں کشیدگی کی حالیہ لہر کو کم کرنے، مشرقِ وسطیٰ و مغربی ایشیا کی سیکیورٹی صورتحال اور پائیدار امن کے قیام کے لیے جاری سفارتی کوششوں پر تفصیلی تبادلہ خیال کیا گیا۔ اس سے قبل گزشتہ روز تہران پہنچنے پر ایران کے وزیرِ داخلہ سکندر مومنی نے پاکستانی وفد کا پرتپاک استقبال کیا تھا۔
دوسری جانب، پاکستان کے وزیرِ داخلہ محسن نقوی پہلے ہی ایران میں اعلیٰ سطحی ملاقاتوں میں مصروف ہیں، جہاں انہوں نے ایرانی قیادت کے ساتھ امریکا کے ساتھ جاری تنازعات کو کم کرنے کے ممکنہ اقدامات پر مشاورت کی ہے۔ ایرانی میڈیا رپورٹس کے مطابق، فیلڈ مارشل عاصم منیر اپنے اس دورے کے دوران مزید اعلیٰ ایرانی حکام اور فیصلہ سازوں سے بھی ملاقاتیں کریں گے، جن کا بنیادی ایجنڈا ایران امریکا امن معاہدے کو حتمی شکل دینا اور خطے کو ایک بڑی جنگ سے بچانا ہے۔ سفارتی ماہرین کا کہنا ہے کہ فیلڈ مارشل کا یہ دورہ تہران اور واشنگٹن کے درمیان جاری کشیدہ ماحول میں پاکستان کے کلیدی اور تاریخی ثالثی کردار کا منہ بولتا ثبوت ہے
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026