ٹیکس سے مستثنیٰ علاقوں میں مبینہ اربوں کی ٹیکس چوری، اعلیٰ سطح کمیٹی قائم

ٹیکس سے مستثنیٰ علاقوں میں خام مال منگوانے والی فیکٹریوں کے ذریعے اربوں روپے کی مبینہ ٹیکس چوری پر فیڈرل انویسٹی گیشن ایجنسی (FIA) نے جامع تحقیقات کا فیصلہ کیا ہے۔ اس سلسلے میں ایک اعلیٰ سطح کی تحقیقاتی کمیٹی تشکیل دی گئی ہے جو تمام متعلقہ فیکٹریوں کا فزیکل انسپکشن اور آڈٹ کرے گی۔ ذرائع کے مطابق کمیٹی میں ڈائریکٹر ایف آئی اے پشاور اعجاز احمد خان اور کوہاٹ زون کے گریڈ 20 کے افسران شامل کیے گئے ہیں، جبکہ گریڈ 18 کے افسران افضل خان اور فیضان الحق کے علاوہ پشاور اور کوہاٹ زون سے دو دو ڈپٹی ڈائریکٹرز کو بھی ٹیم کا حصہ بنایا گیا ہے تاکہ معاملے کی شفاف اور باریک بینی سے انکوائری کی جا سکے۔