اسلام آباد: کچہری خودکش دھماکے کے بعد فیڈرل جوڈیشل کمپلیکس کھول دیا گیا

اسلام آباد: خودکش دھماکے کے بعد آج فیڈرل جوڈیشل کمپلیکس کو کھول دیا گیا، جہاں وکلاء اور سائلین کی بڑی تعداد کچہری پہنچ گئی۔ ضلعی کچہری میں سیکیورٹی کے سخت انتظامات کیے گئے ہیں۔
انتظامیہ کے مطابق وکلاء کے کلرکس کو آفیشل کارڈ دکھانے کے بعد جبکہ سائلین کو تلاشی اور تفصیلات درج کروانے کے بعد داخلے کی اجازت دی جا رہی ہے۔ذرائع کے مطابق سیکیورٹی اداروں نے جائے وقوعہ سے تمام تر شواہد اکٹھے کر لیے ہیں۔
دوسری جانب بار ایسوسی ایشن کی جانب سے 13 اور 14 نومبر کو ہڑتال کا اعلان کیا گیا ہے، وکلاء ان دونوں دن عدالتی کارروائی کا بائیکاٹ کریں گے۔
ذرائع کے مطابق فیملی کورٹس میں قائم ڈے کیئر سنٹر مزید چند روز تک بند رہے گا