وفاقی کابینہ نے گوادر–عمان فیری سروس کی منظوری دے دی

اسلام آباد: وفاقی کابینہ نے گوادر–عمان فیری سروس کی منظوری دے دی ہے۔ وفاقی وزیر بحری امور جنید انوار چوہدری کے مطابق پاکستان اور عمان جلد ہی فیری لنک کے لیے مفاہمت نامہ (MoU) پر دستخط کریں گے۔
وزیر بحری امور نے بتایا کہ فیری سروس جلد شروع کی جائے گی جبکہ انتظامات کو حتمی شکل دینے کے لیے عمانی وفد پاکستان کا دورہ کرے گا۔
ان کے مطابق نیا فیری روٹ تجارتی حجم اور سرمایہ کاری میں اضافہ کرے گا اور پاکستانی تارکین وطن کے لیے سفر مزید آسان اور سستا ہو جائے گا۔
مزید کہا کہ اس منصوبے سے خطے کے ممالک کو وسط ایشیا کی منڈیوں تک رسائی بھی ملے گی۔