امریکی حملوں کے اعلان کے بعد ایران کے 5 شہروں میں دھماکوں کی آوازیں

امریکا کی جانب سے فوجی کارروائیوں کے باقاعدہ اعلان کے بعد ایران کے پانچ مختلف اور اہم شہروں میں شدید دھماکوں کی آوازیں سنی گئی ہیں۔ ایرانی خبر رساں ادارے ‘تسنیم’ کے مطابق، جن شہروں کو نشانہ بنایا گیا یا جہاں دھماکے ہوئے، ان میں شمال مغربی ایران کا اسٹریٹجک شہر تبریز اور دو اہم بندرگاہی علاقے بھی شامل ہیں۔ مقامی شہریوں اور صحافیوں کے مطابق، دھماکوں کی یہ آوازیں تبریز، جنوب مشرقی ساحلی شہروں چابہار اور کنارک، جبکہ جنوب مغربی توانائی کے مراکز بندر ماہشہر اور بندر امام خمینی میں سنی گئیں۔ دوسری جانب، ایرانی خبر رساں ادارے ‘مہر’ نے دعویٰ کیا ہے کہ ایران کے فعال فضائی دفاعی نظام (Air Defense System) نے ملک کے جنوبی علاقے کی فضائی حدود میں داخل ہونے والے ایک دشمن ڈرون کو کامیابی سے مار گرایا ہے۔