ایران کے مختلف شہروں میں دھماکوں کی آوازیں سنی گئی ہیں، ایرانی میڈیا

ایرانی سرکاری نشریاتی ادارے (پریس ٹی وی) نے رپورٹ کیا ہے کہ ملک کے مختلف شہروں اور ساحلی علاقوں میں دھماکوں کی شدید آوازیں سنی گئی ہیں۔ رپورٹ کے مطابق قشم جزیرے میں رہائشی علاقے پر میزائل گرنے سے 3 دھماکے ہوئے، تاہم فوری طور پر کسی جانی نقصان کی تفصیلات سامنے نہیں آسکیں۔ اس کے علاوہ بندر عباس میں 2 جبکہ ابوموسیٰ، کیش اور قشم کے دیگر حصوں سے بھی دھماکوں کی اطلاعات موصول ہوئی ہیں۔ تشویشناک بات یہ ہے کہ دھماکوں کی آوازیں صوبہ بوشہر میں بھی سنی گئی ہیں جہاں ایران کا واحد ایٹمی پاور پلانٹ واقع ہے، تاہم صورتحال سے متعلق مزید تفصیلات فراہم کی جا رہی ہیں۔