ایران کے شہر چابہار میں دھماکوں کی آوازیں: ایرانی میڈیا

ایرانی میڈیا کے مطابق جنوب مشرقی ایران کے ساحلی شہر چابہار میں شدید دھماکوں کی آوازیں سنی گئی ہیں، جس سے علاقے میں شدید خوف و ہراس پھیل گیا۔ یہ دھماکے ایک ایسے وقت میں ہوئے ہیں جب امریکی سینٹرل کمانڈ (سینٹکام) نے سوشل میڈیا پلیٹ فارم ایکس پر ایک بیان جاری کرتے ہوئے باقاعدہ اعلان کیا ہے کہ انہوں نے ایران کے خلاف مسلسل نویں رات بھی حملوں کی نئی لہر شروع کر دی ہے۔ سینٹکام کا کہنا ہے کہ ان تازہ حملوں کا مقصد ایرانی فوج کی ان صلاحیتوں کو مزید کمزور اور مفلوج کرنا ہے جنہیں آبنائے ہرمز سے گزرنے والے بین الاقوامی تجارتی جہازوں اور شہری ملاحوں پر حملوں کے لیے استعمال کیا جاتا ہے۔