اربیل ایئرپورٹ میں سکیورٹی خدشات کے پیشِ نظر تمام پروازیں عارضی طور پر معطل

عراق کے اربیل ایئرپورٹ انتظامیہ نے شہر اور اس کی فضائی حدود پر حملوں کے بعد سکیورٹی خدشات کے پیشِ نظر تمام پروازیں عارضی طور پر معطل کر دی ہیں۔ عراقی نیوز ایجنسی کے مطابق اربیل ایئرپورٹ کے ڈائریکٹر کا کہنا ہے کہ حملوں کی حالیہ لہر کے باعث یہ فیصلہ مسافروں کی حفاظت کو مدنظر رکھتے ہوئے کیا گیا ہے اور حالات معمول پر آتے ہی فضائی آپریشن دوبارہ بحال کر دیا جائے گا۔ واضح رہے کہ گزشتہ ہفتے کے اختتام پر شمالی عراق کے ایک فوجی اڈے پر ایرانی ڈرون کو ناکارہ بنانے کی کوشش کے دوران ایک امریکی فوجی کی ہلاکت کے بعد خطے میں کشیدگی کافی بڑھ گئی ہے۔