عید تعطیلات میں تبدیلی، سندھ میں 26 سے 28 مئی تک چھٹیاں ہوں گی

حکومت سندھ نے عید کی تعطیلات کے حوالے سے پہلے جاری کیے گئے نوٹیفکیشن میں تبدیلی کرتے ہوئے نیا اعلامیہ جاری کر دیا ہے۔

تازہ اعلامیے کے مطابق صوبے میں عید کی تعطیلات اب 26 سے 28 مئی تک ہوں گی۔ اس سے قبل سندھ حکومت نے تعطیلات 26 سے 29 مئی تک دینے کا اعلان کیا تھا۔

صوبائی حکومت کی جانب سے جاری کردہ تصحیح شدہ اعلامیے میں تمام سرکاری دفاتر اور متعلقہ اداروں کو نئے شیڈول کے مطابق انتظامات مکمل کرنے کی ہدایت کی گئی ہے۔

حکام کا کہنا ہے کہ تعطیلات کے دورانیے میں رد و بدل انتظامی ضروریات کے پیش نظر کیا گیا، جبکہ نئے فیصلے سے متعلق تمام اداروں کو باقاعدہ آگاہ کر دیا گیا ہے۔