مصر نے مکہ دفاعی معاہدے میں شمولیت پر سنجیدگی سے غور شروع کر دیا

مصر نے پاکستان، سعودی عرب اور ترکیہ کے مابین طے پانے والے تاریخی ‘مکہ مشترکہ دفاعی معاہدے’ میں باقاعدہ شمولیت کے امکانات پر سنجیدگی سے غور شروع کر دیا ہے۔ مصری وزیرِ خارجہ بدر عبدالعاطی نے اپنے ایک اہم بیان میں کہا ہے کہ مصر کے ان تینوں ممالک کے ساتھ انتہائی گہرے اور خصوصی تعلقات قائم ہیں، جو صرف سیاسی حد تک محدود نہیں بلکہ متعدد شعبوں پر محیط ہیں۔

مصری وزیرِ خارجہ نے وضاحت کی کہ قاہرہ شروع ہی سے اس مشترکہ دفاعی پئکٹ کے تمام پہلوؤں سے مکمل طور پر آراستہ ہے۔ انہوں نے بتایا کہ معاہدے کا مصری ریاستی اداروں اور قانونی و سیکیورٹی ماہرین کی سطح پر جامع جائزہ لیا جا رہا ہے تاکہ حتمی فیصلہ کیا جا سکے۔ بدر عبدالعاطی کے مطابق، دفاعی معاہدوں اور ان سے وابستہ مستقبل کی بین الاقوامی ذمہ داریوں کا مصر کے آئینی و قانونی تقاضوں کے عین مطابق جائزہ لینا ناگزیر عمل ہے۔