یومِ اقبال کے موقع پر ملک بھر میں عام تعطیل کا نوٹیفکیشن جاری

وفاقی حکومت نے شاعرِ مشرق علامہ محمد اقبال کے یومِ ولادت کے موقع پر 9 نومبر کو ملک بھر میں عام تعطیل کا باضابطہ نوٹیفکیشن جاری کر دیا ہے۔ کابینہ ڈویژن کی جانب سے جاری کردہ اعلامیے کے مطابق اس دن تمام سرکاری و نجی ادارے اور تعلیمی مراکز بند رہیں گے۔ اس سلسلے میں محکمہ اسکول ایجوکیشن پنجاب نے بھی صوبے بھر کے تمام سرکاری و نجی اسکولوں کے لیے چھٹی کا نوٹیفکیشن جاری کرتے ہوئے تمام ضلعی ایجوکیشن اتھارٹیز کو اس فیصلے پر سخت عملدرآمد یقینی بنانے کی ہدایت کی ہے۔