ایران جنگ: دبئی ایئرپورٹ پر مسافروں کی آمد میں ایک تہائی کمی

دبئی کے بین الاقوامی ایئرپورٹ پر رواں سال 2026ء کی پہلی ششماہی کے دوران مسافروں کی آمد میں تقریباً ایک تہائی کمی ریکارڈ کی گئی ہے۔ ایئرپورٹ انتظامیہ کے مطابق پہلے 6 ماہ کے دوران 3 کروڑ 15 لاکھ مسافر دبئی ایئرپورٹ پہنچے، جبکہ گزشتہ سال اسی عرصے میں یہ تعداد 4 کروڑ 60 لاکھ تھی۔ عرب میڈیا کے مطابق خطے میں کشیدہ حالات، جنگی صورتحال اور ایندھن کی بڑھتی ہوئی قیمتوں کے باعث عالمی سطح پر فضائی کرائے بڑھنے سے مشرقِ وسطیٰ میں فضائی سفر شدید متاثر ہوا ہے۔ خلیجی خطے میں برقرار کشیدگی کے باعث عالمی معیشت اور ہوابازی کی صنعت پر گہرے اثرات مرتب ہو رہے ہیں۔