بغداد میں امریکی سفارت خانے پر ڈرون حملہ

عراق کے دارالحکومت بغداد میں امریکی سفارت خانے پر ڈرون حملہ ہوا، جسے روکنے کے لیے دفاعی نظام نے فوری کارروائی کی۔ عرب میڈیا کے مطابق ڈرون طیارہ امریکی سفارت خانے کے احاطے میں داخل ہو گیا تھا۔

اس دوران خلیجی ممالک میں بھی امریکی اڈوں پر میزائل اور ڈرون حملے جاری ہیں، جن میں قطر اور متحدہ عرب امارات شامل ہیں۔ غیرملکی میڈیا کے مطابق یو اے ای پر حملوں میں ایک اور پاکستانی جاں بحق ہوگیا، جس کے بعد مرنے والوں کی مجموعی تعداد سات ہو گئی۔

ابوظبی کی شاہ گیس فیلڈ میں ڈرون حملے سے لگی آگ پر قابو پا لیا گیا، جبکہ فجیرہ کے قریب آئل ٹینکر پر نامعلوم پروجیکٹائل سے حملے میں معمولی نقصان پہنچا۔ یو اے ای کی وزارت دفاع کے مطابق صبح سے اب تک 10 بیلسٹک میزائل اور 45 ڈرونز کو دفاعی نظام نے ناکام بنایا۔