ڈاکٹر ستیانجل پانڈے نے پاکستان میں بھارتی ہائی کمیشن کے سربراہ کی ذمہ داریاں سنبھال لیں

بھارت کے نئے قائم مقام ناظم الامور ڈاکٹر ستیانجل پانڈے پاکستان پہنچ گئے ہیں اور انہوں نے اسلام آباد میں بھارتی مشن کے نئے سربراہ کی حیثیت سے اپنی سفارتی ذمہ داریاں سنبھال لی ہیں۔ سفارتی ذرائع کے مطابق انہوں نے گیتیکا سری واستوا کی جگہ یہ عہدہ سنبھالا ہے، جو اگست 2023 سے پاکستان میں بطور ناظم الامور فرائض انجام دینے کے بعد بھارت واپس لوٹ چکی ہیں۔ ڈاکٹر ستیانجل پانڈے گزشتہ 18 برس سے بھارتی وزارتِ خارجہ سے وابستہ ہیں اور اس سے قبل اگست 2023 سے 2026 تک کولمبو (سری لنکا) میں بطور نائب ہائی کمشنر خدمات انجام دے چکے ہیں۔ پاکستان آمد کے فوراً بعد انہوں نے دفترِ خارجہ کا دورہ کیا اور پاکستانی حکام سے تعارفی ملاقات بھی کی