حوثیوں نے دوبارہ حملہ کیا تو ذمہ دار ایران ہوگا: ڈونلڈ ٹرمپ

امریکی صدر ڈونلڈ ٹرمپ نے بحیرۂ احمر میں سعودی تجارتی جہازوں پر حوثی باغیوں کی جانب سے کی جانے والی حالیہ کارروائیوں پر گہری تشویش کا اظہار کرتے ہوئے ایران کو سخت نتائج کی خبردار کر دیا ہے۔ سوشل میڈیا پر جاری اپنے بیان میں ڈونلڈ ٹرمپ نے کہا کہ حوثیوں نے گزشتہ رات دو سعودی بحری جہازوں پر فائرنگ کی ہے، جو کہ ایک انتہائی تشویشناک پیش رفت ہے۔ انہوں نے واضح کیا کہ حوثی بنیادی طور پر ایران کے ہی پراکسی گروہ ہیں، لہٰذا اگر انہوں نے حملوں کا یہ سلسلہ جاری رکھا تو امریکا کا شدید فوجی ردعمل دیکھنے کو ملے گا۔ امریکی صدر نے خبردار کیا کہ حوثیوں کی آئندہ کسی بھی پیش قدمی یا حملے کی صورت میں امریکا اس کا براہِ راست ذمہ دار تہران کو ٹھہرائے گا اور ایران کو اس کی قیمت چکانی پڑے گی۔ انہوں نے حوثیوں کے اس غیر ذمہ دارانہ رویے پر شدید مایوسی کا اظہار بھی کیا۔