پاک بھارت جنگ میں 11 طیارے تباہ ہوئے، ٹرمپ کے بیان پر مودی سرکار منہ چھپانے لگی

امریکی صدر ڈونلڈ ٹرمپ نے پاکستان اور بھارت کے درمیان گزشتہ برس ہونے والی جنگ کے حوالے سے ایک بڑا انکشاف کرتے ہوئے کہا ہے کہ اس تنازع کے دوران دونوں ممالک کے 11 جنگی طیارے تباہ ہوئے تھے۔

امریکی میڈیا سے گفتگو کرتے ہوئے صدر ڈونلڈ ٹرمپ نے پاک بھارت کشیدگی کا تذکرہ کیا اور بتایا کہ دونوں پڑوسی ممالک کے درمیان صورتحال انتہائی خطرناک ہو چکی تھی، تاہم بروقت اور موثر سفارتی کوششوں کے باعث ایک ممکنہ ایٹمی تصادم کو ٹال دیا گیا۔ ان کا کہنا تھا کہ اگر یہ جنگ بند نہ ہوتی تو کروڑوں انسان لقمہ اجل بن سکتے تھے، لیکن جنگ بندی کی کوششوں کے نتیجے میں تقریباً تین کروڑ افراد کی جانیں ممکنہ تباہی سے محفوظ رہیں۔

امریکی صدر نے مزید کہا کہ پاکستان کے وزیراعظم نے بھی ان سے بات چیت کے دوران اس مؤقف کی تائید کی اور اعتراف کیا کہ جنگ کے فوری خاتمے سے کروڑوں انسانوں کی زندگیاں بچ گئیں۔ صدر ٹرمپ کے اس بیان کے بعد بھارتی حکومت کو ایک بار پھر عالمی سطح پر شدید خفت اور سفارتی محاذ پر ناکامی کا سامنا کرنا پڑ رہا ہے۔