اردن حملے میں فوجیوں کی ہلاکت پر ٹرمپ کی خاموشی ٹوٹ گئی، پینٹاگون کو پوری شدت سے ایران پر بمباری کا حکم، روسی میڈیا کا دعویٰ

روسی میڈیا نے سنسنی خیز دعویٰ کیا ہے کہ اردن میں قائم فوجی اڈے پر ایرانی میزائل حملے میں 2 امریکی فوجیوں کی ہلاکت کے بعد، صدر ڈونلڈ ٹرمپ نے امریکی محکمہ دفاع (پینٹاگون) کو پوری شدت کے ساتھ ایران پر بمباری کرنے کا حتمی حکم دے دیا ہے۔ رپورٹ کے مطابق، صدر ٹرمپ نے اس واقعے پر اپنی طویل خاموشی توڑتے ہوئے اردن میں پیش آنے والے واقعے کو انتہائی افسوس ناک قرار دیا ہے۔ انہوں نے اپنے ردعمل میں کہا کہ اس سنگین صورتحال کو دیکھ کر انہیں بے حد دکھ پہنچا ہے۔

صدر ٹرمپ نے ایران کو سخت وارننگ دیتے ہوئے ایک بار پھر اپنے پرانے عزم کو دہرایا کہ وہ تہران کو کسی بھی قیمت پر نیوکلیئر (جوہری) ہتھیار حاصل کرنے نہیں دیں گے۔ امریکی صدر کا مزید کہنا تھا کہ اگر ایران طے شدہ سفارتی ڈیل اور مفاہمتی یادداشت پر عمل کرنے کے لیے تیار نہیں ہے، تو پھر امریکا کو بھی اس کی کوئی فکر نہیں ہے اور وہ اپنے دفاع میں کسی بھی حد تک جانے کے لیے تیار ہے۔ خطے کی موجودہ صورتحال کے پیشِ نظر ٹرمپ کے اس مبینہ حکم کے بعد مڈل ایسٹ میں جنگ کے بادل مزید گہرے ہو گئے ہیں۔